Një video e mesfushorit të Barcelonës, Franck Kessie, teksa shfaqet i veshur me fanellën e Bayernit dhe pantallonat e shkurta të Realit të Madridit është duke bërë xhiron e rrjetit.
Mesfushori nga Bregu i Fildishtë mori pjesë në një festë me miqtë gjatë pushimeve të tij, ndërkohë që veshja kompromentuese i surprizoi të gjithë, teksa video u bë menjëherë virale në internet.
Barça dhe Bayern u takuan në fazën e grupeve të Champions League dhe Franck Kessie, mori pjesë në të dyja ndeshjet 2-0 në Mynih dhe 0-3 në Camp Nou, ndaj kuptohet që do të jetë një fanellë që ka ndryshuar me ndonjë futbollist nga skuadra gjermane, teksa të shkurtrat mbajnë numrin 8 të Toni Kros, dhe me shumë gjasa janë të sezonit 2017-2018.
Discussion about this post