Lionel Messi vazhdon ta dashurojë klubin ku kaloi pjesën më të madhe të jetës së tij, Barcelonën dhe është duke menduar për një rikthim aty.
Sulmuesi i Paris Saint-Germain ka deklaruar se është i hapur ndaj idesë për t’u rikthyer në Barcelonë si sekretar teknik, pasi të pensionohet.
“Po, gjithmonë kam thënë se do të doja të kthehesha për të ndihmuar klubin në çfarëdo mënyre. Dua të jem i dobishëm dhe të ndihmoj që klubi të jetë mirë. Do të doja të isha sekretar teknik, por nuk e di nëse do të jetë te Barcelona. Do të doja të kthehesha në klub për të kontribuar me atë që mundem sepse e dua dhe do të doja që ata të vazhdojnë të bëjnë mirë, të vazhdojnë të rriten dhe të vazhdojnë të jenë ndër më të mirët në botë”,- u shpreh Messi për ‘Sport’.
Kjo deklaratë e argjentinasit i ka habitur të gjithë, pasi pak muaj më parë ai u nda në një mënyrë jo shumë të pëlqyeshme nga ‘Blaugrana’, megjithatë duket se ai vazhdon të ruajë të njëjtën dashuri për katalanasit./K.T/Gijotina.com
