Ditët e fundit në të gjitha mediat botërore po qarkullon lajmi se Lionel Messi është fitues i ‘Topit të Artë’ dhe se argjentinasi tashmë është i informuar nga vetë organizatori France Football për këtë fakt. Lajm ky që solli një sërë reagimesh negative kundrejt France Football.
Duke reaguar në lidhje me këtë situatë, kryeredaktori i ‘France Football’ Ferre ka thënë për gazetën gjermane ‘Bild’ se ky është një lajm i rremë.
“Ne i kemi parë shumë broçkulla në 10 ditët e fundit. Mashtrim i madh”,- u shpreh Ferre.
Trofeu i ‘Topit të Artë’ nuk u dha vitin e kaluar për shkak të pandemisë së Covid-19, ndërsa është vendosur që të jepet më 29 nëntor të këtij viti.
Teksa emër tjetër shumë i diskutuar si fitues i këtij trofeu është edhe ai i yllit të Bayern Munich, Robert Lewandowskit, i cili është sulmuesi që ka shënuar më shumë në dy vitet e fundit./K.T/Gijotina.com
Discussion about this post