Lajme të këqija për Lionel Messi-n. Legjenda e Barcelonës dhe lojtari aktual i PSG, Lionel Messi ka qenë viktimë e një grabitjeje! Hajdutët kanë vjedhur mijëra sterlina në vlerë monetare dhe sende me vlerë. Bastisja u krye të mërkurën e kaluar në hotelin me pesë yje Le Royal Monceau në Paris.
Sipas The Sun, një grup personash hipën me shkallë nga pjesa e jashtme e ndërtesës dhe përmes çatisë hynë nga një derë e hapur e ballkonit. Katër dhoma të tjera u vunë gjithashtu në shënjestër nga hajdutët që morën gjëra të vlefshme me vlerë mijëra stërlina.
Një klientë femër e hotelit zbuloi se vathët, gjerdani dhe paratë e saj mungonin kur ajo u kthye.
Ajo i tha The Sun: “Të paguash kaq shumë para për një vend në qendër të Parosot dhe të mendosh që është i sigurt, por në fakt ke dikë që ecën nëpër dhomë, kjo është shumë shqetësuese.
Policia na tha se panë dy burra me një çantë në çati në kamerat e sigurisë por ata nuk mund t’i identifikonin, ndërsa nga i njëjti hotel u raportuan edhe tre të grabitur të tjerë veç Messit.
“Është e qartë se ka pasur një shkelje shumë serioze të sigurisë dhe po hetohet,“- tha një zëdhënës i Policisë për mediat.
