Ylli argjentinas Lionel Messi ka marrë një tjetër çmim pas atij si “Lojtari më i mire” i Botërorit. Pasi u kthye në Francë, ai u zgjodh si “Futbollisti më i mirë i vitit 2022” nga Federata Ndërkombëtare e Historisë dhe Statistikave të Futbollit (IFFHS).
IFFHS krijoi çmimin për ‘Lojtarin më të mirë të vitit” në 1988. Holandezi Marko Van Basten e fitoi atë në 1988 dhe 1989, gjermani Lotar Mateus në 1990, por pas atij çmimi presidenti i FIFA-s, në atë kohë zvicerani Blater, i kërkoi subjektit të ndalonte dhënien e çmimit.
Megjithatë, që nga viti 2020, IFFHS vendosi ta jepte sërish çmimin e “Futbollistin më të mirë të vitit” dhe polaku Robert Levandovski ishte fituesi i çmimit në 2020 dhe 2021.
Ja dhe renditja për “Lojtarin më të mire” të vitit 2022:
1. Lionel Messi (Argjentinë – PSG) 275 pikë
2. Kilian Mbape (Francë – PSG) 35 pikë
3. Karim Benzema (Francë – Real Madrid) 30 pikë
4. Luka Modriç (Kroaci – Real Madrid) 15 pikë
5. Erling Haland (Norvegji – Mançester Siti) 5 pikë
Discussion about this post