Patjetër që po bën bujë udhëtimi i Lionel Messit në Arabinë Saudite një ditë pas humbjes ndaj Lorientit. L’Equipe zbulon mbrëmjen e djeshme, se ndërkombëtari argjentinas shkoi në Arabinë Saudite pa lejen e klubit të tij.
Një vizitë dyditore që ‘Pleshti’ nuk mund ta shtynte, pasi e kishte bërë tashmë dy herë më parë. Këtë të hënë, pak orë pas humbjes së PSG ndaj Lorient në Parc des Princes, Messi është parë në aeroportin e Riadit, kryeqyteti i Arabisë Saudite.
Për sulmuesin kampion bote 35-vjeçar nuk bëhet fjalë për një qëndrim të shkurtër me familjen, por për një detyrim kontraktual, pasi Messi është ambasador i turizmit saudit, që nga viti i kaluar edhe pse ai luajti për një klub që mbante flamurin e Katarit.
‘Pleshti’, i cili tashmë kishte bërë një kërcim për disa ditë në Arabinë Saudite, po qëndron atje përsëri për disa ditë këtë javë, siç njoftoi Ministri i Turizmit Ahmed Al Khateeb.
https://www.instagram.com/p/CroFd89NIen/?utm_source=ig_embed&ig_rid=d1768396-448f-43a2-b370-82e52f63671e
Këto detyrime turistike-tregtare do të ishin anekdotike nëse argjentinasi, kontrata e të cilit në Paris skadon në fund të qershorit, nuk do të lakmohej edhe nga futbolli saudit, i cili tashmë ka arritur të tërheqë një tjetër “Top të Artë” të shumëfishtë si Cristiano Ronaldo që luan për klubin e Al-Nassr.
Uebi po gëlon nga thashethemet e merkatos që raportojnë një ofertë faraonike nga Al-Hilal për të siguruar shërbimet e Messit, në këmbim të një kontrate me vlerë më shumë se 400 milion euro në vit, edhe nëse Parisi ende mban ende të hapur mundësinë për ta zgjatur bashkëpunimin me argjentinasin.
Discussion about this post