Ku do të luajë Lionel Messi sezonin e ardhshëm? Kësaj pyetje nuk do i jepte dot përgjigje as vetë Nostradamusi. Por Don Garber dëshiron ta tërheqë sulmuesin e Paris Saint-Germain në ligën e tij.
Komisioneri i Major League Soccer, në Shtetet e Bashkuara të Amerikës, është gati të vendosë një pajisje speciale për të kënaqur argjentinasin.
“Ju keni të bëni me atë që është ndoshta lojtari më i veçantë në historinë e futbollit”,- tha amerikani për The Athletic. Kontrata e Lionel Messit me PSG përfundon në qershor.
Dhe nëse ka diskutime rreth një zgjatjeje në Paris, disa thashetheme ngjallin një interes nga Inter Miami, klubi i themeluar nga britaniku David Beckham në vitin 2018.
Prandaj, një aventurë fundit nën diellin e mrekullueshëm të Floridës, mund t’i interesojë shtatë herë fituesin e “Topit të Artë”.
“Nëse kjo mund të ndodhë, do të ishte e mrekullueshme për MLS-në, do të ishte e mrekullueshme për Messin dhe familjen e tij, dhe si çdo gjë në shtëpi, ne përpiqemi të shfrytëzojmë çdo mundësi, u shpreh Garber. Ai shtoi se nuk mund të japë më shumë detaje se kaq sepse nuk ka.
Por për këtë, klubi amerikan duhet të plotësojë kërkesat e kampionit të fundit botëror. “Ne do të duhet të strukturojmë një marrëveshje, që i përshtatet Messit dhe familjes së tij.
Si? Sinqerisht, sot nuk e dimë”, thotë komisioneri i ligës amerikane.
Klubet e MLS-së nuk kanë të njëjtat burime financiare si Paris Saint-Germain. Prandaj Garber është gati të krijojë një pajisje speciale për të tërhequr argjentinasin.
“MLS është një entitet unik. Nëse shet diçka që i përket kolektivit, kolektivi duhet ta miratojë, shpjegoi Gaber.
“Pra, çfarëdo që të vendosë Jorge Mas (pronari i Inter Miami), me ndihmën e Todd Durbin (zv.presidenti ekzekutiv i MLS) për të strukturuar diçka, nëse kemi mundësi ta bëjmë këtë, do ta bëjnë”, theksoi në fund Don Gaber. Tifozët në Miami si dhe në gjithë kontinentin amerikan, tani kanë të drejtë të ëndërrojnë.
Discussion about this post