Lionel Messi e mbylli në mënyrën që askush nuk do të dëshironte aventurën dy-vjeçare me klubin e PSG-së
Messi ishte pjesë e formacionit titullar që luajti ndaj Clermont në ndeshjen që festoi titullin e kampionit në Francë. Megjithatë, argjentinasi nuk do ta kujtojë për gjëra të bukura lamtumirën e tij me fanellën e PSG-së.
Tashmë u konfirmua se kjo do të ishte ndeshja e fundit e Messit në fanellën e PSG-së, pas skadimit të kontratës dhe ende nuk dihet se ku do ta vazhdojë karrierën, ndonëse spekulohet se do të shkojë në Arabinë Saudite apo do të rikthehet te Barcelona.
Siç pritej, Messi nuk mori ovacione nga tifozët e tij në ndeshjen e fundit. Ndoshta momenti më i vështirë në karrierën e tij të pasur, sepse në ndeshjen lamtumirës ai u vërshëllye nga tifozët e klubit francez.
Vërshëllimat nisën para ndeshjes. 35-vjeçari përjetoi sulmet nga i gjithë stadiumi disa momente përpara se emri i tij të prezantohej para fillimit të sfidës.
Discussion about this post