“Ishte një proces “i gjatë dhe intensiv”, ai që bëri të mundur që futbollisti argjentinas Lionel Messi të nënshkruante për klubin amerikan, Inter Miami, por më në fund arriti në një përfundim të suksesshëm”. Kështu rrëfen Jorge Mas, pronari i Major League Soccer, për ‘El Pais’ teksa tregon se synimi për të siguruar argjentinasin për Inter Miami daton që në vitin 2019 dhe menjëherë pas kësaj nisën bisedimet me babanë dhe agjentin e futbollistit, Jorge.
Për sa i përket kushteve kontraktuale, Mas konfirmoi se paga e sulmuesit 36-vjeçar “do të jetë rreth 50-60 milionë euro në vit”, më pak se sa i është ofruar në Arabinë Saudite, por se ai do të ketë ende përfitime nga të drejtat e transmetimit (Apple TV) dhe shitja e pajisjeve të klubit (Adidas).
“Messi mund ta kthejë MLS-në në një nga dy ose tre ligat më të mëdha në botë. Ka dy shenja në historinë e sportit këtu: Ardhja e Peles te Cosmos i Nju Jorkut, dhe ajo e David Beckham në 2007 në Los Angeles. Messi do ta ngrejë ligën në një nivel tjetër.
Kur të japi lamtumirën, do të ketë edhe një pjesë në klub. (…) Besoj se numri i anëtarëve të klubit do të shumëfishohen me 5 ose 10 herë në tre vjet. Amerikano-veriorët janë të interesuar për lojtarin më të mirë në botë”,- siguroi ai.
E ardhmja? Jorge Mas garanton se ai tashmë e di: “Unë imagjinoj për Messin një jetë shumë të ngjashme me atë të Beckham apo Jordan. Ai do të jetë në gjendje të vazhdojë punën e tij në një treg që nuk do të ndalet së rrituri. Ai do të ketë mundësi që nuk ekzistojnë diku tjetër”.
Discussion about this post