Mbyllet për 10 ditë shkolla e mesmë “Qazim Pali” në Borsh për shkak të Covid19. Konkretisht raportohet se 7 mësues dhe 6 nxënës janë infektuar me koronavirus.
Pavarësisht se kishin marrë të dyja dozat e vaksinës, mësuesit e kësaj shkolle janë prekur sërish nga virusi. Sipas burimeve, i gjithë stafi mësimdhënës është i vaksinuar. Shkolla ka në total 150 nxënës të cilët rrezikohen të infektohen për shkak të situatës së shkaktuar.
Kujdesi shëndetësor do të këqyrë më tej situatën, ku nëse rastet do të shtohen atëherë do të vendosen masa të tjera. Gjithashtu bëhet me dije se po bëhen testet për të konfirmuar nëse ka persona të tjerë të infektuar apo jo.
Shkolla “Qazim Pali” është e para e cila mbyllet për shkak të koronavirusit që prej nisjes së këtij sezoni shkollor. Kujtojmë këtu që vitin e shkuar pati një sërë problemesh, ku numri i shkollave e kopshteve që u mbyllën ishte i lartë. E njëjta situatë përsëritej deri në urdhrin ku ministria kërkoi zhvillimin e mësimit online.
Discussion about this post