Një qytetar ka pretenduar se një mësues në një shkollë 9-vjeçare rezulton i dënuar në shtetin anglez për përfshirje në trafikim të lëndëve narkotike. Sipas tij bëhet fjalë për një person me iniciale SH.T, ndërsa qytetari shtoi se ka nisur një shkresë në Ministrinë e Arsimit në muajin nëntor, lidhur me këtë çështje, por nuk ka marrë asnjë përgjigje nga ky institucion.
“Kam bërë një denoncim me shkresë në Ministrinë e Arsimit në nëntor dhe akoma nuk kam marrë asnjë përgjigje. Shabani ka qenë në Angli, është dënuar për lëndë narkotike, ka bërë dy vite burg. Në 2017 ka ardhur në Shqipëri dhe na i jep mësim fëmijëve.
Gjithashtu qytetari u shpreh se mësuesi në fjalë ka falsifikuar identitetin e tij, ndërsa tregoi se zotëron fakte që mbështesin këtë akuzë.
“E ka pasur emrin Boni, identitet fallco. Në 2010 ka shkuar në Angli. Kam foto, ia kam treguar dhe Ministrisë së Arsimit”.
Ndërkohë nga ana tjetër mësuesi i akuzuar ka mohuar në mënyrë kategorike këto akuza, duke u shprehur se nuk ka qenë i dënuar në Angli për asnjë vepër penale.
“Është e pavërtetë. Kam dokumentacion. Kam më shumë se një vit që punoj në këtë shkollë. Ai personi që ka bërë këtë padi, të mbajë përgjegjësi”, shprehet ai.
Discussion about this post