Ministrja e Arsimit Evis Kushi ishte thirrur në interpelancë nga opozita lidhur me sigurinë e fëmijëve në shkolla. Nga foltorja e Kuvendit, Kushi komentoi rastin në Berat ku mësuesi i dënuar për pedofili jepte mësim, ku tha se gjykata nuk kishte dhënë asnjë vendim që ai të mos ushtronte aktivitetin e tij, duke hequr kështu përgjegjësinë nga vetja.
“Për ngjarjen ku mësuesi i dënuar për pedofili në shkollën “2 Tetori” në Berat jepte mësim, shqetësimi ynë ka qenë shumë i lartë për këtë ngjarje. Unë vetë kam dënuar ashpër që në momentin e parë sepse e besoj fort që persona të tillë nuk duhet të jenë në shkolla. Personi është larguar menjëherë. Nisëm menjëherë hetim administrativ për të gjetur personat përgjegjës. Procedura për emërimin e këtij mësuesi Engjëllush Bregu ka filluar punë si mësues shumë herët duke vazhduar pa shkëputje për 23 vite punë. Pas ngjarjes së ndodhur në berat ky mësues është dënuar për vepra të turpshme, por gjykata nuk i ka hequr atij të drejtën e ushtrimit të profesionit. Ndaj drejtoria arsimore duke mos disponuar asnjë vendim gjykate ku të ndalohet një veprim i tillë e ka rikthyer mësuesin në punë pas kryerjes së dënimit. Në vitin 2017 mësuesi ka aplikuar përsëri konform akteve ligjore dhe është punësuar që nga viti 2018 me kontrata të përkohshme. I përmenda këto për të thënë që mësuesi nuk është rikthyer tani në punë. Ne sot na shqetëson cilët janë mekanizmat që ne kemi për të garantuar mbrojtjen e nxënësve”, tha Kushi
Kushtoi shtoi se sëshpejti do të paraqitet një iniciativë e re ligjore që e shmang rrezikun e fëmijëve nga ngjarje të tilla.
“Nisur jo vetëm nga zemërimi i lartë, por nga detyrimi ynë për sigurinë e fëmijëve në shkolla pak ditë pas ngjarjes firmosa udhëzimin që ndalon punësimin e personave të dënuar për të cilët gjykata ka marrë vendim të formës së prerë. Por a shmanget plotësisht rreziku me këtë udhëzim? Jam e hapur për regjistrin që ju keni propozuar dhe nëse ndihmon jam plotësisht që ta votojmë jo vetëm unë, por të gjithë ne”, tha Kushi.
Nga ana e saj deputetja e LSI, Erisa Xhixho tha se sistemi i rekrutimi është korruptiv, ndërsa shtoi se duhen ndërtuar mekanizma për të parandaluar raste të tilla.
Discussion about this post