Një mësuese amerikane është arrestuar pasi dyshohet se mbylli djalin e saj të infektuar me Covid në bagazhin e makinës për tu mbrojtur nga ekspozimi i virusit, ndërsa shkonte në një qendër testimi raportojnë mediat lokale. Sarah Beam thuhet se përballet me akuzën që ka rrezikuar një fëmijë. Një dëshmitare telefonoji policinë pasi dëgjoi dikë që po fliste në bagazhin e një makine në datën 3 janar.
Mësuesja raportohet që hapi bagazhin për të zbuluar djalin që ishte shtrirë brenda. Zonja Beam tha se djali i saj 13-vjeçar kishte rezultuar pozitiv me Covid-19 dhe që po e çonte në stadiumin Pridgeon për të bërë një test tjetër që të konfirmonte rezultatin raportojnë mediat lokale. Ajo tha se e kishte vendosur adoleshentin në bagazh për shkak se kishte frikë se mos infektohej vetë raporton BBC.
Punonjësi i shëndetësi i tha asaj se nuk do të ketë asnjë test Covid derisa djali do të lejohej që të ulej në sedijen e pasme të makinës. Zonja Beam është mësuese në gjimnazin Cypress që nga viti 2011 por tani i është dhënë leje sipas mediave lokale. Policia tha se u alarmuan në momentin që i lajmëruan që një djalë e kishin lënë në bagazhin e një makinë në një qendër testimi.
Forcat e rendit kryen një hetim të plotë dhe lëshuan një urdhër arresti për mësuesen. Rreshteri Richard Standifer i Deparmentit të Sigurisë Publike në Teksas i tha medias lokale se djali mund të dëmtohej seriozisht nëse makina përplasej. Rreshteri tha gjithashtu se nuk kam dëgjuar ndonjëherë që dikush është vendosur në bagazh se ka rezultuar pozitiv me diçka.
Discussion about this post