Meta bën thirrje për bashkëpunim mes bashkive arbëreshe e shqiptare

Presidenti Ilir Meta ka vizituar Bashkinë Palazzo Adriano, ku pati një takim me autoritetet lokale.

Meta ka pohuar se i ka shprehur kryebashkiakut Nicola Granà se për më tepër bashkëpunim me bashkitë shqiptare. Kjo për faktin se do të forconte marrëdhëniet mes dy vendeve veçanërisht në fushën e turizmit kulturor e atij historik.
“Në takimin me autoritetet më të larta lokale dhe Kryebashkiakun, Nicola Granà theksova se mbështetur mbi këtë trashëgimi të vyer, nevojitet më tepër bashkëpunim mes bashkive arbëreshe dhe atyre shqiptare, si një mundësi e shkëlqyer për forcimin e marrëdhënieve mes nesh, veçanërisht në fushën e turizmit kulturor dhe historik”, shkruan ai.

Presidenti i Shqipërisë ndodhet prej ditësh në Itali ku po bën një tur vizitash, të cilat i ka njoftuar dhe në rrjetet sociale.