Meta: Çdo marrëveshje e fshehtë me Ramës është krim…

Ilir Meta, kryetar i Partisë së Lirisë, u shpreh në favor të një bashkëpunimi sa më të sinqertë dhe sa më të gjerë opozitar.

Meta thekon se çdo lloj marrëveshje e heshtur me regjimin e Edi Ramës është krim sa i takon interesit publik e kombëtar.

Ndërsa thekson se Partia e Lirisë ka një pozicion shumë të qartë opozitar, Meta thekson se jemi të vendosur kundër kapjes së shtetit për të mbrojtur interesin publik.

“Për ne si Parti e Lirisë është e rëndësishme që kemi një pozicion shumë të qartë në opozitë me këtë regjim, që jemi shumë të vendosur kundër kapjes së shtetit për të mbrojtur interesin publik, për të mbrojtur interesin kombëtar.

Jemi të ndërgjegjshëm që duhet një bashkëpunim sa më i sinqertë dhe sa më i gjerë opozitar dhe ne këtë gjë e kemi bërë me të gjithë ata që kanë pasur këtë dëshirë, që kanë pasur këtë përkushtim në të kaluarën.

Këtë gjë do të vazhdojmë ta bëjmë edhe në të ardhmen, por në çdo rast ne mbetemi një adresë e sigurt për të gjithë ata që ndajnë bindjet me ne, se ky është një regjim me të cilin çdo lloj kompromisi, me të cilin çdo lloj marrëveshje e heshtur është një krim përsa i takon interesit publik, interesit kombëtar dhe të ardhmes së këtij vendi, që është në një pikëpyetje të jashtëzakonshme”, thuhet në reagimin e Ilir Metës.