Presidenti i Republikës, Ilir Meta, Kryeministri Edi Rama, si dhe kryeparlamentarja Lindita Nikolla kanë zhvilluar paraditen e sotme ceremoni zyrtare te Varrezat e Dëshmorëve me rastin e 29 Nëntorit, 77-vjetorit të çlirimit të Shqipërisë.
Ata kanë kryer homazhet respektive njëri pas tjetrit, duke u përkulur para monumentit “Nëna Shqipëri”. Ashtu sikur ditën e djeshme dhe sot presidenti dhe kryeministri janë bashkuar për të kryer homazhet në nderim të festave të nëntorit. 29 Nëntori i sotëm shënon 77-vjetorin e Çlirimit të Shqipërisë nga forcat fashiste italiane e gjermane.
Sakaq kujtojmë se përfaqësuesit e Partisë Demokratikë nuk kanë marrë pjesë në ceremoni dhe as nuk kanë zhvilluar homazhe ditën e sotme, për shkak se ata vlerësojnë 28 nëntorin si festën e Çlirimit dhe të Pavarësisë. Në këtë mënyrë ata sot nuk kanë bërë asnjë urim dhe asnjë deklaratë, duke bojkotuar kështu si prej disa vitesh rresht 29 nëntorin dhe përgatitjet e qeverisë për këtë festë.
Discussion about this post