Presidenti Ilir Meta i ka shprehur ngushëllimet familjes dhe shprehet se ndarja nga jeta e artistes së madhe shqiptare Edi Luarasi është një humbje e madhe. Kreu i shtetit thotë se Edi Luarasi, do të mbetet një figurë frymëzuese për artistët e rinj.
“Me shumë keqardhje mësova lajmin e ndarjes nga jeta të aktores së mirënjohur dhe të talentuar, Edi Luarasi, një prej ikonave të filmit dhe skenës shqiptare, të cilën vetëm pak muaj më parë pata privilegjin ta vlerësoj me Dekoratën e Lartë “Nderi i Kombit”.
Edi Luarasi, do të mbetet një figurë frymëzuese për artistët e rinj, veçanërisht për vajzat dhe gratë, si shembull i kurajës qytetare, lirisë, vlerave dhe dinjitetit njerëzor, që sfidoi diktaturën për të triumfuar si dëshmitare e padrejtësive absurde të regjimit të kaluar.
Duke ju shprehur ngushëllimet më të sinqerta familjes dhe komunitetit të artistëve, lutem të prehet në paqen e merituar” shkruan Meta.
Discussion about this post