Në konferencën për mediet, kreu i grupit parlamentar të PS, Taulant Balla ka komentuar ndër të tjera edhe pozicionin e presidentit Ilir Meta.
Balla tha para gazetarëve se Meta është i shkarkuar nga Kuvendi dhe, sipas tij ky është një vendim që futet në fuqi pas vendimit të Kushtetueses. Kreu i grupit parlamentar të PS, ka theksuar se në Krishtlindjet e 2022 është e sigurt që vendi do të ketë një president të ri dhe ai nuk do të jetë Ilir Meta.
“Sot në vend nuk ka një vakancë nga Presidenti, ai është i shkarkuar nga Kuvendi dhe hyn në fuqi pas vendimit të kushtetueses dhe duhet që kjo e fundit të qëndrojë afateve të veta. Në momentin që ka një vakancë për shkarkimin e tij, ne kemi edhe strukturat për vendimet kolegjiale. Është e vërtetë se viti 2022 në shkurt, mars apo prill, apo me 24 korrik do të ketë një president të ri, por se do të ketë një president zonjë apo zotëri është për tu parë”, është shprehur ai ndër të tjera
Ndër të tjera, Balla solli sërish në vëmendjen rolin e patronazhistëve, ku tha se dhe pse hetimet vijojnë, nuk ka asnjë shkelje të ligjit në këtë drejtim.
Discussion about this post