Kryetari i Komitetit Organizativ të Partisë së Lirisë, Ilir Meta ka folur sërish për bashkëpunimin me ish-kryeministrin Sali Berisha. Në një konferencë për mediat, Meta është pyetur se kush do e kryesojë opozitën.
Në përgjigjen e tij, ish-presidenti tha se nuk ka konkurrencë me Sali Berishën për këtë çështje. Ai shtoi se konkurrenca e vetme do jetë për të denoncuar korrupsionin e qeverisë.
Meta: Nuk jemi parti nacionaliste. Jemi ultrademokratike. Pashë që kishte shumë shqetësim për referendumin dje. Është garanti i rikthimit të demokracisë në vend. Kushtetuta e vitit 1998 ishte më e mira që është bërë, që u bë me referendum nga populli i Shqipërisë. Referendumi është një pjesëmarrje e popullit në vendimmarrje. Është përfshirje e njerëzve në politikë. Nuk është fake si ata followersat nga Bangladeshi.
Bashkëpunimi me Sali Berishën?
Meta: Nuk është ky problemi ynë, se kush do jetë partia e parë e opozitës. Nuk je gjë tjetër veçse bisht i mazhorancës. Je i paaftë për ndryshim. Nuk kam asnjë konkurrencë, këto janë shpikje të kleptokracisë, me zotin Berisha. Nëse do ketë konkurrencë, do jetë luftë e përditshme kundër korrupsionit ndaj kapjes së shtetit. Ftoj çdo qytetar, miq dhe partnerë që çdo informacion, çdo denoncim dhe deklaratë, ta sjellin tek Ilir Meta dhe Partia e Lirisë. Të jenë 100% të bindur se nuk do i dalë emri si burim informacioni. Siç nuk i ka dalë askujt deri më tani. Kur qeveria ka vendosur ta përgjysmojë Shqipërinë, sigurisht ne si Parti e Lirisë do ndezim shpresën, flakën e demokracisë.
Discussion about this post