Presidenti Ilir Meta, pas dekorimeve të katër ish të përndjekurve në Korçë, ka folur për situatën politike në vend, ku është pyetur nga gazetarët dhe për përjashtimin e Berishës nga grupi parlamentar i PD.
Meta tha se Berisha sa më i vjetër aq më tërheqës e demokrat bëhet, ndërsa u distancua nga vendimi i Bashës, duke theksuar se nuk është detyra e tij si President të merret me këto çështje dhe as dëshiron.
”Nuk dëshiroj të merrem me çështje të tilla sepse nuk është kjo detyra ime, sigurisht që Berisha nuk mund të rri të them, doktori është si vera, sa më i vjetër aq dhe më tërheqës e demokrat bëhet”.
Ndër të tjera, Meta tha se demokracia në vend është në gjendje kritike, por pas rikthimit të opozitës në Kuvend, sipas tij shtohen mundësitë për rivendosjen e demokracisë.
“Meqenëse përmendët doktorin do të lutesha që të mos rrini kaq pranë me njëri-tjetrin. Jini të kujdesshëm në këtë situatë pandemie. Ka një tendencë përkeqësimi. Është çështje madhore. Situata me demokracinë në vend është në një gjendje problematike, nuk është siç do të donin shumë përshi edhe mua pas 25 prillit, por pa diskutimin është më mirë se para 25 prillit, në kushtet e mungesës së një parlamenti kushtetues e funksional. zero opozitës. Aktualisht pas 25 prillit, janë mundësitë për rivendosjen e plotë të demokracisë, për një parlament funksional dhe ai është qëllimi im kryesor”,- u shpreh Meta.
Ditën e nesërme Presidenti pritët të dekretojë kryeministrin Edi Rama dhe 16 ministrat e kabinetit qeveritar për katër vitet e ardhme në pushtet.
Qeveria e re, Meta lë hapur mundësinë për takim me Ramën
Presidenti Ilir Meta ka lënë të hapur mundësinë për të takuar kryeministrin Rama dhe dekretuar qeverinë e ardhshme pa probleme.
Nga Korça, ai ka thënë për mediat se është i hapur për të përmbushur detyrimet kushtetuese, ndërsa bëri apel që qeveria e re të nisë punë sa më shpejt si dhe kontrolli i parlamentit ndaj saj.
”Në çdo moment kemi qenë dhe jemi të hapur për të përmbushur detyrimet kushtetuese për këtë proces. Parlamenti i ri ka nisur punë, urojmë të jetë sa më funksional, sa më demokratik dhe natyrisht qeveria e re duhet të fillojë sa më parë dhe kontrolli i parlamentit ndaj qeverisë,”- tha Meta.
Gjithashtu ai më herët u pyet edhe për situatën e tensionuar në PD pas përjashtimit të ish-kryeministrit Berisha, teksa tha se ky i fundit sa më i vjetër aq më tërheqës e demokrat bëhet, ndërsa u distancua nga vendimi i Bashës.
