Presidenti i Shqipërisë, Ilir Meta i është përgjigjur në pak sekonda ambasadores së SHBA teksa po zhvillon një intervistë në një televizion shqiptar.
Meta thotë se ambasadorja sapo i shkruajti për të mos përmendur sfurqet, por ai i kundërpërgjigjet duke i thënë që mos marrë më në mbrojtje Ramën.
Po ashtu Meta i kërkon mos ndërhyjë më në punët e brendshme të Shqipërisë në mënyrë të njëanshme, tekas zbulon se ambasadorja e SHBA, Yuri Kim i ka kërkuar Metës në emër të Ramës, të pranojë Ardian Dvoranin një ditë para mbledhjes së KED.
”Tani live sapo më shkruajti ambasadorja Yuri Kim për të mos përmendur më sfurqet. I them ambasadores amerikane live që të mos marrë më në mbrojtje Edi Ramën. Meqë më dergoi live ‘sms’ i them ambasadores amerikane mos e mbështet më Edi Ramën.
Meqë jam transparent po ju them edhe një fakt që ambasadorja amerikane më ka kërkuar mua si President, një ditë para mbledhjes së KED-së të pranoj unë Adrian Dvorani. Këtë ajo e kërkoi jo në emër të Amerikës, po në emër të Edi Ramës. E përqafoj ambasadoren amerikane dhe i them boll ndërhyre në punët e brendshme të Shqipërisë në këtë mënyrë të njëanshme.”- tha Meta.
Së fundmi Meta ka ftuar ambasadoren e SHBA së bashku me Edi Ramën të shkojnë bashkë me të në studio e të ballafaqohen para shqiptarëve.
”Deklarata e Yuri Kim është një turp dhe e ftoj ambasadoren të vijë tani live në studio bashkë me Edi Ramën të ballafaqohemi para shqiptarëve”- përfundoi Meta.
