Kryetarja e Lëvizjes Socialiste për Integrim, Monika Kryemadhi dha një intervistë mbrëmjen e së mërkurës në emisionin “Opinion”, por bashkëshorti i saj, Presidenti Ilir Meta duket se nuk e ka ndjekur.
Ndërkohë që po transmetohej intervista, Meta ka shpërndarë një foto në rrjetet sociale i veshur me uniformë duke ndjekur me telefon ndeshjen Celtic kundër Rangers.
Celtic është skuadra e preferuar e Metës dhe me fitoren 3-0 në derbin ndaj Rangers, të luajtur në stadiumin “Paradise” të Glasgou ngjitet në vendin e parë në Kampionatin skocez, duke lumturuar kështu edhe kreun e shtetit.
“Në çdo sekondë isha sot me zemër në Paradise. Një fitore e mrekullueshme që na rikthen në vend të 1-rë, aty ku e meritojmë të jemi. SuperDerbi! Emocione të forta! Jeni më të mirët” – shkruan Meta.
Discussion about this post