Kryetari i Partisë së Lirisë, Ilir Meta foli për takimin me zyrtarin amerikan Escobar disa javë më parë, në një emision televiziv këtë të hënë.
Meta është shprehur se përfaqësuesi i SHBA, Escobar shprehu të gjithë mbështetjen për kandidatët e opozitës dhe ka kërkuar që vetëm të bëhen zgjedhje të lira.
“Jo vetëm që nuk u la të kuptohej se kandidatët e PD janë e shkuara por unë u fola për të gjithë procesin e primareve. Absolutisht që SHBA respektojnë vullnetin e popullit shqiptar, dhe kuzhina e Fugës thonte se Spahia është kandidati i Berishës ndërkohë që bashkëpunimi mes qeverisë dhe bashkisë ishte shumë normal.
Shkodra ka përfituar projekte në bazë të propozimeve që ka prezantuar, Rama duhet t’i përgjigjet shkodranëve se kush ja hoqi Drejtorinë e Arsimit, Agjencinë e Ujërave, drejtorinë e Arkivave, Drejtorinë Rajonal e Shërbimit Informativ, gjykatën e Apelit dhe Administrative”, tha Meta në “Çim Peka Live”.
Discussion about this post