Partia e Lirisë ka zhvilluar tryezën për pensionistët dhe personat në nevojë.
Kreu i PL Ilir Meta ka folur mes të tjerash edhe në lidhje me marrëveshjen me Italinë për pensionet, duke e vlerësuar, por ka theksuar se qeveria vepron me standarde të dyfishta, pasi njeh kontributet nën 15 vjet në rastin e marrëveshjeve me shtetet e tjera, por padrejtësisht përjashton nga skema e përfitimit të pensioneve të qytetarëve që kanë kontribuar brenda vendit.
“Për t’i dhënë fund kësaj padrejtësie Partia e Lirisë do të propozojë një iniciativë ligjore për ndryshimin e skemës së sigurimeve shoqërore për t’u mundësuar të gjithë atyre personave të cilët nuk i kanë plotësuar vitet e nevojshme të punës sipas ligjit, të përfitojnë pension të pjesshëm të pleqërisë, pavarësisht se kanë më pak se 15 vite gjithsej pune sipas kontributit te tyre”, tha Meta.
Kreu i Partisë së Lirisë, ka bërë 7 propozime për pensionistët, të cilët sipas tij janë kategoria më e diskriminuar.
Meta ka propozuar mbulim të plotë financiar të të gjitha barnave që përdoren nga pensionistët dhe shërbimeve mjekësore.
1- Mbulimin e plotë financiar të të gjitha barnave, që përdoren nga pensionistët dhe të pershkruara me recetë mjekësore.
2- Mbulimin e të gjitha shërbimeve mjeksore dhe të infermierisë në banesë për pensionistet me probleme shëndetësore.
3- Dhënien e shërbimit mjeksor me prioritet për pensionistët për evitimin e pritjeve të gjata në qendra shëndetësore apo spitale.
4- Sigurimin e shërbimeve mjeksore pa pagesë për reabilitimin dhe fizioterapinë për pensionistët me semundje invalidizuese.
5- Sigurimin pa pagesë të materialeve mjeksore të trajtimit të pacientëve pensionistë në banesë si dhe artikujve mjeksore (paterica, karroca, shtretër ortopedike), që mundesojnë levizjen dhe pavarësimin jetesor të pensionistëve.
6- Zbatimin e detyruar të protokolleve të geriatrisë në qendrat shëndetesore për pacientet pensionistë.
7- Mjaft qëndrimeve kontradiktore dhe të dyfishta për njohjen e kontributeve të pensioneve për kontribuuesit.
Discussion about this post