Kreu i Partisë së Lirisë, Ilir Meta, nga Elbasani, akuzoi Qeverinë Rama se ka prioritetet inceneratorët, ndaj edhe nuk i ndërpret pagesat, edhe pas hetimeve të SPAK.
“E vetmja gjë që nuk ndalen janë pagesat e inceneratorëve. Janë prioritet i kësja qeverie. Të gjithë së bashku kemi mundësitë të japim alteranativat tona”, ka thënë Meta.
Gjithashtu ka bërë me dije se janë nisur disa kërkesa në Bashkinë e Tiranës në lidhje me transparencën për ujin e pijshëm, që është kthyer në një shqetësim serioz.
Sipas Metës është rritur me 40 % çmimi i ujit të pijshëm, por në disa zona nuk ka ujë të pijshëm.
“Vetëm në Bashkinë e Tiranës kemi nisur disa kërkesa të rëndësishme që kanë të bëjnë me transparencën e ujit të pijshëm ku është rritur çmimi mbi 40 % dhe shumë zona janë pa ujë”, tha Meta.
Discussion about this post