Presidenti Ilir Meta ka deklaruar ditën e sotme se dhuna ndaj medias dhe niveli i lartë i korrupsionit mbajnë peng procesin e integrimit. Në konferencën që zhvilloi me gazetarët ai komentoi projektrezolutën e Parlamentit Europian, duke thënë se ai dokument renditi si probleme serioze korrupsionin dhe cenimin e fjalës së lirë.
“Janë diagnostikuar të gjitha problemet që kanë penguar çeljen e negociatave. Votimi në parim tregon qasje strategjike të PE për përkrahur politikën e zgjerimit në kushtet e agresion të Rusisë, por edhe që i ka evidentuar problemet kritike të demokracisë sonë lirisë së medias, të pluralizmit, me paralizmin e shtetit të së drejtës, të zbatimit të vetingut dhe reformës në drejtësi.
Fakti që përmendet regresi i vendit në 5 vite për korrupsionin është një fakt shumë domethënës dhe pandodhur më parë, edhe liria e mediave është një tregues tjetër. Shpreh nevojën për përmirësim urgjent të lirisë së shprehjes. Shqetësohet për mungesën e progresit se ka rënë me 8 vende për lirinë e shtypit. Kërkon që autoritetet të zbatojnë politikës të tolerancës zero kundër frikësimit e dhunës ndaj mediave”, tha Meta. Sipas presidentit, PE ka kritikuar qeverinë edhe për rrjedhjen masive të të dhënave personale, duke cenuar privatësinë e qytetarëve.
Discussion about this post