Kreu i Partisë së Lirisë, Ilir Meta ka deklaruar se kryeministri Edi Rama është arkitekti i skemave të zhvatjes me tre inceneratorët.
Ai u shpreh se Inceneratori i Tiranës vazhdon merr miliona euro dhe se ky djegës është guri i madh i provës për Drejtësinë.
“Inceneratori merr miliona euro nga Rama dhe Erion Veliaj. Drejtësia nuk vepron. Rama është arkitekt i vjedhjes shtetërore, ka vendosur të gjithë ministrat në funksion të skenave zhvatëse.
Inceneratori i Tiranës është dëshmia se pse Shqipëria thellohet në gropën e zezë të korrupsionit. Shqipëria vazhdon rrëshqitjen drejt paligjshmërisë. Jemi vendi me probleme më serioze për korrupsionin.
Parlamenti është kapur për fyti nga kryeministri. Është kthyer në zyrë të qeverisë vetëm për të vjedhur. Kur opozita propozon nisma për qytetarët, ata shqyrtohen me shumë vonesë.
Dje në mënyrë flagrance nuk u pranua propozimi i PL për uljen e çmimit të karburanteve. Jemi në kushtet e një konfrontimi të hapur mes opozitës dhe regjimit shtypës të Ramës. Bllokimi i komisioneve hetimore është dëshmi e qëllimit të qeverisë për të mos dhënë llogari, përjashtimi i deputetëve të opozitës është një mjet agresioni i hapur ndaj opozitës në mënyrë që ajo të asgjësohet në funksionin e saj dhe korrupsioni i qeverisë të mos njihet nga shqiptarët”, tha Meta.
Discussion about this post