Dy ditë pas Konventës Kombëtare, Ilir Meta ka mbledhur sot kryesinë e Partisë të Lirisë. Pasi falënderoi të gjithë pjesëmarrësit në konventë, tha se programi i PL është një program që ndihmon shqiptarët.
Në fjalën e tij, Ilir Meta tha se forca politike që ai drejton duhet të kthehet në mekanizëm për të fuqizuar opozitarizimi.
“Duhet të kalojmë në veprime”- tha Meta, duke njoftuar se nesër do mblidhet Komiteti Drejtues Kombëtar i Partisë së Lirisë.
“Të gjithë e ndoqën konventën tonë, na vjen keq për ata që u zhgënjyen nga mbarëvajtja e mrekullueshme. Shqiptarët panë një parti që ofron vetëm transparencë.
Ne kemi një program të shkëlqyer, që ndihmon shumë qytetarë të këtij vendi që të ketë standarde. Shqipëria ka diell për të gjithë, por kaq nuk mjafton. Kjo forcë politike duhet të kthehet në mekanizëm për të fuqizuar opozitarizimi”, tha Ilir Meta.
Meta tha se kjo forcë politike do të jetë vazhdimisht e hapur ndaj qytetarëve, ndërsa u shpreh se duhet të kemi parasysh shprehjen “kush nuk lëviz, ndryshket”.
Presidenti i PL-së tha se Shqipëria ka diell për të gjithë, por kaq nuk mjafton, ndaj dhe theksoi se duhet të kthehemi në një forcë të hekurt në opozitarizëm.
“Shqiptarët presin vendime, ekzekutimin e tyre sa më shpejt, sepse kemi një situatë alarmante”, tha Meta.
Discussion about this post