Kryetari i Partisë së Lirisë, Ilir Meta, ka folur pasi ish-agjenti i lartë i FBI-së, Charles McGonigal pranoi fajin për dosjen shqiptare. Në këmbim të zbutjes së dënimit, ai pranoi gjithçka nga dosja shqiptare. Sipas Metës McGonigal provoji përgjegjësit penale të Ramës mbi këtë cështje dhe kërkoi që Rama të përfundojë në burg bashkë me të.
“Mc Gonigal pranoi përfundimisht fajësinë e tij për të gjitha akuzat lidhur me Shqipërinë në Gjykatën Federale të Uashingtonit. Ai pranoi të gjitha faktet e Prokurorisë, përfshirë edhe takimet e paligjshme me Kryeministrin Rama.
U vërtetuan nga prokurorët dhe u pranuan nga McGonigal pagesat e paligjshme dhe korruptive për qëllime politike dhe financiare në këmbim të goditjes mafioze të opozitës duke keqpërdorur një zyrtar të lartë të FBI.
Pranimi i fajësisë nga McGonigal provoi përgjegjësitë penale që rëndojnë mbi Kryeministrin dhe detyrimin e drejtësisë shqiptare për të mbrojtur ligjshmërinë dhe interesin e lartë publik. Përdorimi i zyrës së Kryeministrit për të asgjësuar pluralizmin politik në vend është shërbimi më i madh që i bëhet paligjshmërisë dhe veprimtarisë mafioze dhe kriminale”, është shprehur Meta.
Discussion about this post