Meta me të rinjtë shkodranë: Do marrim fitore spektakolare

Kreu i PL, Ilir Meta ka shprehur bindjen se Shkodra do të arrijë një rezultat spektakolar në zgjedhjet vendore.

Meta gjatë një takimi me të rinjtë atje theksoi se është e rëndësishme që të nxitojmë, teksa u shpreh ata do të jenë përfaqësues model në këshillin bashkiak të Shkodrës pas zgjedhjeve të 14 majit.

“Rikthimi në politikën aktive është për t’i dhënë fund dramës që përballet vendi ynë, largimi i të rinjve. Ata duhet të kuptojnë se të bashkuar mund t’i imponohen politikës, që të marrë vendime në të mirën e tyre.

Sot bëhet gjithçka për t’u vrarë besimin të rinjve tek fuqia që kanë për të bërë ndryshimin, për t’i bërë që të gjejnë rrugë të tjera që i largojnë nga vendi e familja pa dëshirën e tyre.

Bashkia e Shkodrës është prioritet për ne, jemi të bindur se do arrijë rezultat spektakolar.

Rilinda pothuajse e ka asgjësuar Shkodrën. Është e rëndësishme të nxitojmë, që të japim mesazhin e ndryshimit të domosdoshëm dhe që të rinjtë e të rejat të mos ikin, por të kenë besim se mundësitë e tyre janë të pakufizuara dhe që mund t’i realizojnë në Shkodër pranë familjes së tyre. PL në Shkodër do jetë frymëzim për të rinjtë e të rejat, do jeni përfaqësues model në këshillin bashkiak të Shkodrës pas zgjedhje të 14 majit.

Rinia e PL, jo vetëm është e motivuar për të ardhmen e saj, por do jetë shembull në nivel kombëtar”, tha Meta.