Presidenti i Shqipëris, Ilir Meta, me anë të një statusi në “Facebook”, i ka dërguar një mesazh urimi homologut Stevo Pendarovski për Ditën e Pavarësisë së Maqedonisë së Veriut.
Meta thotë se bashkëpunimi mes dy vendeve shtrihet në të gjitha fushat dhe u shërben marrëdhënieve shumë të mira të fqinjësisë.
Po ashtu ai shprehet besimplotë se Shqipëria e Maqedonia e Veriut do i kapërcejnë me sukses sfidat në procesin e anëtarësimit për në BE.
“Jam besimplotë se përpjekjet tona të përbashkëta dhe të vazhdueshme në procesin e anëtarësimit në Bashkimin Europian të vendeve tona do t’i kapërcejnë me sukses sfidat, që ngadalësojnë e pengojnë arritjen e këtij qëllimi kaq të rëndësishëm për të ardhmen e qytetarëve tanë, por edhe të rajonit.”- tha Meta
