Kryetari i Partisë së Lirisë, Ilir Meta ka shprehur sot nderimin dhe mirënjohjen e tij për dëshmorin me të ri të Kosovës, rreshterin e Policisë Afrim Bunjaku, vrarë nga grupet kriminale serbe.
“Përulemi me nderim dhe mirënjohjen më të thellë për dëshmorin e rënë në krye të detyrës për mbrojtjen e lirisë dhe të sovranitetit të Republikës së Kosovës, Afrim Bunjaku! Lutjet tona sot janë për të! Lavdi”, shkruan Meta në Fb.
Presidentja e Republikës së Kosovës, Vjosa Osmani, ka marrë vendim që dita e hënë, 25 shtator 2023, të shpallet ditë zie shtetërore në nderim të policit Afrim Bunjaku, i vrarë në veri të vendit. Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi.
Discussion about this post