Meta në protestë: Rama njeri i marrë, është i tmerruar nga populli

Kreu i Partisë së Lirisë Ilir Meta deklaroi në protestën e sotme të opozitës se Edi Rama është njeri i marrë.

Meta tha se Rama është tmerruar nga fuqia e popullit. Ai shtoi se Edi Rama vetëm plaçkit shqiptarët.

Meta: Të dashur motra dhe vëllezër. Keni sfiduar motin dhe shiun për të qenë sot në këtë protestë. Por sidomos, keni sfiduar këtë regjim të egër. Jemi sot këtu në vazhdim të angazhimit tonë të pathyeshëm për ta rrëzuar këtë regjim me protesta dhe zgjedhje, si dhe protesta.

Një regjim, një i marrë i tmerruar nga fjala e lirë, i tmerruar nga firmat që ka hedhur kot më kot, për të marrë miliarda euro. Për të shkatërruar vendin, ai institucion ka marrë mbi gjysmë miliardë euro për llogari të Rilindjes.

Jemi këtu sepse është tronditur në themel siguria juridike. Jemi këtu se këtij të marri nuk i mjafton që zhvati popullin. Nuk ka asnjë kujtesë përsa i takon të kaluarës, të ardhmes së këtij vendi. Tani kërkon të marrë dhe vulën e PD-së. Kemi të bëjmë me njeri me probleme të mëdha mendore.