Kreu i Partisë së Lirisë, Ilir Meta është parë paraditen e sotme duke hyrë në ambientet e selisë blu, për të zhvilluar një takim me Sali Berishën.
Mësohet se Meta shoqërohet nga nënkryetari i PL-së, Petrit Vasili.
Takimi këtë të premte, vjen një ditë pasi KQZ rrëzoi kërkesën e Berishës për t’u regjistruar në zgjedhjet e 14 majit, duke njohur kështu Lulzim Bashën si kryetar të PD.
Tashmë, pritet të mësohet se cila do të jetë lëvizja e Berishës për të hyrë në zgjedhjet lokale.
Partia e Lirisë publikoi dje edhe listën e kandidatëve për Këshillin Bashkiak të Tiranës, teksa konfirmoi se do të mbështesë kandidatët e Primareve për kryetarë bashkie.
Nga ana e tij, edhe Berisha është në negociata me disa forca politike nga krahu i djathtë për të formuar një koalicion për zgjedhjet e 14 majit, ku do të mundë të regjistrojë kandidatët e tij për kryetarë të bashkive dhe këshillave bashkiakë.
Discussion about this post