Ervin Karamuço, ekspert i kriminalistikës, u shpreh mbrëmjen e sotme se ish-Presidenti Ilir Meta ka 3 çështje që është kallëzuar në SPAK.
Në emisionin Real Story, duke komentuar paraqitjen e sotme të Metës në SPAK, Karamuço tha se skenari nuk është i rastësishëm kur ata ulen.
“Janë pjesë të një skenari të një teknike investigative që ata përdorin. Bëjnë pyetje përsëritëse për të parë a je në të njëjtën linjë.
Kjo shkollë e re, mbledh prova dhe më pas thërret personin”, tha Karamuço.
Në vijim ai sqaroi procedurën që ndiqet kur Prokurorët thërrasin një person të kallëzuar.
“Në momentin që thirret i jepet një material përpara dhe i thuhet, mund të japësh shpjegim për këtë. Ku ke qenë e gjëra të tjera. Por kur të shohim se ai do të shkojë sërish në SPAK me një avokat , atëherë do të mendojmë se ka diçka më shumë”, tha Karamuço.
Sipas tij, në këto 33 vite Shqipëria ka kaluar shkollën e investigimit, ka qenë në shkollën ruse, erdhi në shkollën kontinentale dhe tani jemi në shkollën amerikane që po e aplikon SPAK.
“Shkolla, që pa ardhur tek prova nuk shkon dot te personat, ky është edhe trajnimi që kanë bërë. Janë dy teknika që po hetohen. Këto janë dosje depërtimi. Nëpërmjet këtyre do të fillojnë hetime të tjera që kanë të bëjnë me çështje pasurore.
Është më e thjeshtë sot të mbërrish tek e vërteta nëpërmjet dëshmive, kontrollit të të gjitha sistemeve. Janë thirrur shumë persona gjatë këtyre ditëve. Nuk jemi në gjendje të deshifrojmë për çfarë janë marrë në pyetje, por do të shikohen TIMS, udhëtimet, hotelet.
Këto janë raste hetimore me manual që dinë edhe fillimin edhe mbërritjen. Ti mund të asgjësosh një dosje, por paratë asetet nuk i fsheh dot, edhe nëse janë të tjetërsuara.
Nëpërmjet hetimit të parave, aseteve dhe bizneseve do të dalë e vërteta. Mbërritja e zotit Ismaliaj pas dënimit, pasi ka lënë qeli, ka mbërritur fillimisht në Vjenë dhe më pas nuk dihet ku ka shkuar. Mendoj se mund të ketë një rrëfim të penduari”, tha ai.
Discussion about this post