Kryetari i Partisë së Lirisë, Ilir Meta mori pjesë ditën e sotme në takimin e demokratëve në Vorë në kuadër të 32-vjetorit të themelimit të Partisë Demokratike.
Meta u shpreh se kryebashkiaku i ardhshëm do të bëjë një punë të mrekullueshme të qytetit, ndërsa shtoi se përballë nuk kemi një parti politike por një sekt.
“Jam shumë i lumtur që nga primaret, siç kanë dalë disa superkandidatë, kemi edhe një superkandidat në Vorë. Vora për s ai takon rëndësisë demografike nuk është nga bashkitë më të mëdha por pozitën dhe potencialet i ka të jashtëzakonshme. Kryebashkiaku i ardhshëm do të bëjë një punë të mrekullueshme që këto potenciale t’i vërë në shërbim të komunitetit.
Me atë energji duke punuar për Vorën, kam frikë se do të detyrohemi ta marrim lejen e vendbanimit në Vorë. Mbështetjen më të pakufishme për Indrit Hoxhën, për fitoren e 14 Majit. Përballë nuk kemi një parti por një sekt që do ta dërmojmë me uraganin mbarëpopullor”, tha Meta.
Discussion about this post