I gjendur në ambientet e paraburgimit, nuk arriti dot të merrte pjesë në hapjen e fushatës së koalicionit opozitar “Aleanca Madhështore”.
Por kreu i Partisë së Lirisë, Ilir Meta, ka reaguar me një status në rrjetin e tij social, ku shkruan se takimi në sheshin “Nënë Tereza” ishte madhështor.
“MADHËSHTORE! E vetmja fjalë që përshkruan këtë moment historik që sonte përjetoi çdo shqiptar”, shkruan Meta.
Ai e cilëson hapjen e fushatës si një start të jashtëzakonshëm, duke shtuar se janë vetëm 30 ditë larg nga fitorja e tyre.
“Edhe 30 ditë larg Shqipërisë Madhështore! Fitorja është kaq afër, më pranë se kurrë!”, shkruan mes të tjerash Meta.
Kujtojmë që, në mungesë të Ilir Metës, në sheshin “Nënë Tereza” u panë të merrnin pjesë tre fëmijët e tij, si dhe kandidatët për deputetë nga Partia e Lirisë në zgjedhjet e 11 majit.
Discussion about this post