Kreu i Partisë së Lirisë, Ilir Meta, ka drejtuar sot takimin e Komitetit Drejtues Kombëtar të Partisë së Lirisë.
“Jemi sot këtu për të vendosur kriteret për 1650 kandidatët e Partisë së Lirisë për zgjedhjet e 14 majit, – tha Meta. – Jemi këtu për të gjitha angazhimet politike, organizative për zgjedhjet vendore ku Partia e Lirisë do të jetë faktor vendimtar për shporrjen e monizmit nga bashkitë tona.
Pas konstituimit të Këshillit, grupi i Partisë së Lirisë që do të jetë i jashtëzakonshëm, fjalën do ta marrin përfaqësuesit e banorëve, ato që ky regjim i nxori në rrugë për të ndërtuar kulla për oligarkët e tij. Ata do të flasin dhe nuk do të guxojë askush në të gjithë Shqipërinë të sillet me shqiptarët në atë mënyrë.
Gjithë bota është tronditur nga skandalet e Ramës, kryeministri i një vendi anëtar të NATO-s, nuk pushojnë, kanë një muaj, emri i tij lakohet ende nga mediat më të mëdha botërore. kudo flitet për një agjent të lartë që ka turpëruar vendin e tij dhe për korruptuesin e tij.
Edi Rama, ç’ke mbjellë – ke për ta vjellë”, e paralajmëroi Meta, kreun e qeverisë.
Discussion about this post