Presidenti Ilir Meta ka deklaruar se ai është lënë vetëm përballë mazhorancës, duke e cilësuar këtë si një tradhëti nga PD dhe LSI, pasi mazhoranca kishte në dorë shumicën me të cilën mund të shkarkonte atë. Meta u shpreh se shqetësimi i tij është sot për sot sovraniteti i Gjykatës Kushtetuese për të vepruar pa qenë nën ndikimin e presionit politik.
“Gjykata Kushtetuese të bëjë çfarë të dojë. Unë kam probleme të tjera. Kam problemet e zgjedhjeve vendore sepse dy vite kaluan dhe nuk ka opozitë që të bëjë oponencën. Kam shqetësim cili do jetë qëndrimi në lidhje me marrëveshje ndërkombëtare. Jam edhe patriot. Në këtë drejtim. Unë e kam këtë patriotizmin. Këto janë shqetësimet e mia. Ju keni shqetësim se Gjykata Kushtetuese do heqë nga puna Ilir Metën?
Ju duhet të keni shqetësim a ka Shqipëria Gjykata Kushtetuese që merr vendime jashtë presioneve të parlamentit apo diplomatëve të ndryshëm që abuzojnë. Ju keni hall se do ngelet Ilir Meta pa punë. Nuk është ky shqetësimi im. Janë disa shqetësime të tjera që më kanë shqetësuar prej kohësh për Gjykatën Kushtetuese. Te Gjykata Kushtetuese kam thënë është vijë e kuqe sepse është sovraniteti i Republikës së Shqipërisë.
Unë kam nxjerrë popullin më 2 mars dhe ata nuk e çuan atë ligjin në parlament por u tërhoqën pasi panë popullin e Shqipërisë. Presidenti e ka bërë detyrën e vet deri më 25 prill. PD dhe LSI tradhtuan republikën dhe presidentin e Republikës sepse e lanë vetëm në mënyrë të pabesë. Kam thënë që ata do të zëvendësohen dhe jo vetëm kaq sepse edhe mua si president po më ekspozoni dhe 94 vota ata ngri kartonin për të shkarkuar presidentin”, tha Meta.
Presidenti Ilir Meta, gjithashtu ka bërë deklarata të forta, ku akuzon kreun aktual PD-së Lulzim Basha, se la bërë dopio lojë me marrëveshjen e detin me Greqinë. Sipas tij, ky qëndrim i kreut të PD, në lidhje me marrëveshjen e detit ka patur implikime serioze në raport me shtetin shqiptar.
Discussion about this post