Kreu i Partisë së Lirisë ka dalë sot në një konferencë për mediat ku ka publikuar fakte të reja sa i përket aferës së inceneratorëve. Meta tha se për të financiar koncesionarët dhe për të siguruar vazhdimësinë e kontratave prona publike janë lënë peng në banka brenda dhe jashtë vendit. Sipas tij, çdo veprim është kryer me dokumente të falsifikuar, prandaj SPAK duhet të hetojë, pasi është absurde të merret kredi për inceneratorët. Sakaq, ai theksoi më tutje se me dokument që zotëron PL mund të vërtetojë që qeveria ka marrë paratë e fermerëve për të paguar inceneratorët.
“Sot do të bëj publike fakte të reja për aferën e vitit që kam thënë se do I shkojmë deri në fund. Kanë fituar me miliona euro të këtij grupi kriminal nga lekët e taksapaguesve të Tiranës. Pasi pamë se si të moshuar që jetojnë në azile figurojnë me firma të falsifikuara, pasi pamë barinjtë në Greqi që marrin 300 euro dhe firmat e tyre janë falsifikuar, se si edhe fondet e Ministrisë së Bujqësisë dhe AZHBR që duhet të shkojnë në mbështetje të fermerëve, edhe ato kanë përfunduar në duart e kësaj organizate, sE do të tregoj se si qeveria shqiptarë, me kokën e kësaj afere që ehte kryeministri aktual ka vënë në dispozicion të kësaj skeme edhe prona publike që janë lënë peng në bankat e ndryshme këtu për paratë që shkojë përtej detit”, u shpreh ai. Ndërsa, garantoi se faktet e publikuara sot janë vetëm maja e ajsbergut, të tjera do të dalin më vonë.
Discussion about this post