Presidenti Ilir Meta i është bashkuar listës së politikanë që kanë përkujtuar me një mesazh, 20-vjetorin e sulmeve terroriste në SHBA.
Kreu i shtetit shkruan në Facebook, se solidarizohet me popullin amerikan për tragjedinë që ndryshoi politikat e SHBA rreth terrorizmit, dhe se si vend anëtar i NATO-s, “ jemi të vendosur për të luftuar terrorizmin.
“Në 20-vjetorin e sulmeve terroriste të 11 shtatorit 2001, nderojmë kujtimin e paharruar të jetëve të humbura dhe solidarizohemi me familjet e tyre dhe popullin amerikan!
Shqipëria dhe SHBA janë të bashkuara në mbrojtjen e vlerave të lirisë dhe demokracisë, në të mirë të interesit të përbashkët të popujve tanë miq. Të vendosur, si vend anëtar i NATO-s, për të përmbushur çdo angazhim kundër terrorizmit ndërkombëtar, ekstremizmit të dhunshëm, autoritarizmit dhe çdo kërcënimi tjetër që rrezikon paqen dhe stabilitetin, kudo në botë”.
Ai ka shprehur, ndër të tjera, mirënjohjen për sakrificat e ushtarëve, ku në veçanti përmend kapitetin me origjinë shqiptare, Feti Vogli.
“Mirënjohje për sakrificat e të gjithë ushtarakëve tanë dhe personelit mbështetës, që kanë sakrifikuar gjatë këtyre dy dekadave në vijën e parë kundër terrorizmit! I përjetshëm kujtimi i Kapiten Feti Voglit!”, shrkuan Meta.
