Presidenti i Partisë së Lirisë, Ilir Meta ka përkujtuar sot në 100-vjetorin e lindjes, këngëtarin e madh Mentor Xhemali, të cilin ai e cilëson si korifeun e shquar të muzikës shqiptare.
Postimi
Nderi i Kombit, Mentor Xhemali ka vetëm ditëlindje!
Sot në 100-vjetorin e lindjes, përulem me nderimin dhe respektin më të thellë para korifeut të shquar të muzikës shqiptare dhe krijimtarisë së vyer kulturore që na la trashëgim përjetë, kryekëngëtarit me zërin e rrallë dhe interpretuesit të famshëm të këngës më të dashur për çdo shqiptar “Për ty Atdhe”, Mentor Xhemali.
I lindur për të kënduar himne të përjetshme në qytetin e trëndafilave, Përmet, ai erdhi në skenën shqiptare si një zë madhështor, që i duhej Atdheut dhe që iu gjet Atdheut në çdo kohë kur kishte nevojë për të.
Luftëtar i paepur për liri, që e donte Shqipërinë sovrane dhe të pavarur, mori pushkën që fëmijë dhe ju bashkua Luftës Antifashiste, jo vetëm me armë por edhe me këngët e lavdishme partizane, që i këndoi deri në fund të jetës.
Mentor Xhemali e deshi Atdheun “Të ngrihej madhështor si një kështjellë e pamposhtur”, ndaj këndoi “më të bukurën këngë”, himnin e përjetshëm “Për ty Atdhe!”
Krenar që ky himn është sot Betimi dhe Programi i Partisë së Lirisë!
Përjetë nder dhe lavdi, artistit tonë të madh Mentor Xhemali!
Discussion about this post