Meta përplaset me Dumanin, shtyhet seanca në GJKKO

Është shtyrë seanca në GJKKO për presidentin e PL-së, Ilir Meta, deputeten Monika Kryemadhi dhe dy të akuzuarit e tjerë.

Avokatët kanë kërkuar kohë për t’u njohur me aktet. Kështu seanca do të mbahet po sot në orën 13:30.

Mësohet se Meta është përplasur ashpër me prokurorët e posaçëm, Altin Dumanin Arben Krajën dhe Sotir Kllapin.

“Këtu do të vini edhe ju si unë. Më keni arrestuar me urdhër të narkoshtetit, merrni urdhër nga Rama, është shkelje e ligjit”, bëhet e ditur se ka thënë gjatë debatit në sallën e gjyqit Meta.

Pas shtyrjes së seancës jashtë ambienteve te GJKKO-së ka folur edhje Minika Kryemadhi e cila ka shpjeguar se çfarë ndodhi në sencën gjyqësore.

“Po ju shpjegoj çfarë ndodhi, sapo pashë tre musketierët e Edi Ramës dhe gjyqtarin Erion Cela. Ishte eksperienca ime e parë në një sallë gjyqi. Pati një mashtrim nga Arben Kraja, kur tha që Ilir Meta është marrë në mënyrë normale dhe ka pranuar aktin. Ju e dini që Ilir Meta u rrëmbye nga banditët. E dyta kërkuam që të njohëm me provat që ata kanë ngritur. Bujaria e gjyqtarit të drejtësisë së kastruar na lanë vetëm 3 orë kohë. 3 orë janë shumë pak. I kam kërkuar edhe gjyqtarit dhe prokurorit, sepse dosjen që ju keni që në fakt qoftë prokuroria apo gjykata kanë nxjerrë sekretin hetimor. Kjo godina është departamenti i mashtrimit të Edi Ramës. Sot kam kuptuar që veglat një përdorimshme të Edi Ramës”, u shpreh ajo.

E pyetur nëse ishte i qetë Ilir Meta, Kryemadhi u përgjigj: Nuk flas fare për zotin Meta. Sot bënë një provokim për mua dhe familjen time. Ata e dinë marrëdhënien time dhe qëllimisht në kanë futur në një sallë.