Presidenti Ilir Meta po përcjell përfaqësuesit ligjorë për në Gjykatën Kushtetuese e cila do të shqyrtojë kërkesën e Kuvendit për shkarkimin e tij ditën e sotme.
“ Bashkë me Landin duke përcjellë Bledin dhe Katrinën për në Gjykatë”, shkruan Meta, ndërsa më herët postoi një foto tjetër ku shkruante: “Ku ka më bukur kur e nis ditën duke dëgjuar Ritën dhe kalendarin artistik të Shkodrës”.
Seanca pritet që të nisë në orën 10:00, ku vetë Meta ka njoftuar se nuk do të jetë i pranishëm. Kjo është hera e parë në historinë e pluralizmit politik, që presidenti i vendit çohet në Gjykatën Kushtetuese dhe shkarkohet nga Kuvendi.
Shkak për nisjen e procedurave të shkarkimit të Metës, u bënë përplasjet me mazhorancës, qoftë për zgjedhjet lokale të 2019, qoftë me dhjetëra dekrete që presidenti ka kthyer pas në Parlament, përfshirë dhe mbajtjen ‘peng’ të emërimit të disa ministrave. Pika kulmore arriti në zgjedhjet e 25 Prillit, ku presidenti akuzohet se ka mbajtur qëndrime në fushatë dhe është përfshirë në mënyrë intesiven me takimet dhe deklaratat e tij.
Sipas maxhorancës, Presidenti ka kryer në mënyrë të përsëritur disa akte dhe sjellje, të cilat në vlerësimin e deputetëve përbëjnë shkelje të rënda dhe flagrante të Kushtetutës.
Discussion about this post