Meta shpallet President i Partisë së Lirisë, çfarë ndodhi në Konventën e PL-së

Ashtu siç pritej, Ilir Meta është rikonfirmuar në krye të Partisë së Lirisë gjatë Konventës së sotme të PL-së.

Zgjati gati 6 orë Konventa e Partisë së Lirisë, e mbajtur në Pallatin e Kongresve në Tiran, gjatë së cilës u prezantuan edhe objektivat e Partisë së Lirisë. Meta miratoi dhe rriti financimet për gratë në parti. Kreu i PL tha se Konventa u mbyll për sot, por asesi për publikun.

Meta iu bëri thirrje simpantizantëve që në orën 20:00 të bashkohen në “Rrugën e Shpresës”, aty ku ndodhet në arrest shtëpie ish-kryeministri Sali Berisha, për t’iu bashkuar mbështetësve të kryedemokratit gjatë tubimit të kësaj të shtune.

Në këtë Konventë, Meta hodhi edhe akuza ndaj kundërshtarëve politikë. Ish-presidenti theksoi se riorganizimi i partisë që do ta çojë drejt rikthimit në pushtet do të drejtohet personalisht nga ai në terren.

Në këtë Konventë foli edhe Monika Kryemadhi, e cila deklaroi se nuk duhet që të abuzohet me fjalën nepotizëm.

Ndërkohë, ka mbaruar edhe procesi i numërimit, ku Meta është zgjedhur Presidenti i PL-së. Ai mori 691 vota e ndërsa kundërshtari i tij Faik Basha vetëm 27 vota.

Asnjë surprizë nuk pati as në rolin e zv.presidentes. Në këtë post do të jetë besnikja e tij, Erisa Xhixho, e cila arriti të merrte 637 vota.

Lexo edhe:

Konventa e PL-së, zbardhet rezultati i votimeve