Kreu i Partisë së Lirisë, Ilir Meta ka bërë një denoncim sa i takon tenderave për blerjen e energjisë nga ana e qeverisë për një periudhë 3-5 vite.
Meta shprehet se “në dokumentet e tenderit çmimi i fiksuar i blerjes është 270 euro për megavat, ndërkohë që në bursë sot çmimi është 147 euro për megavat”.
Ai tha se Rilindja nuk pret të vendoset në funksion bursa e energjisë, por është e qartë se babëzia e Rilindjes për të mbyllur tenderin korruptiv të radhës nuk pret.
“Bëma më e fundit që po përgatit Rilindja përmes korporatës energjetike shqiptare është një aferë e pa ndodhur asgjëkund tjetër, përmes hapjes së tenderit për blerje energjie për 3-5 vite.
Kjo aferë e këtyre përmasave kolosale planifikon një vjedhje të përbindshme përsëri në një ndër sektorët më të abuzuar nga Rilindja, atë të energjisë elektrike. Ne aktualisht paguajmë 94 mijë euro në ditë për anijet gjenerator të Vlorës, që do të duhet të prodhonin 100 megavat, aq sa kërkohet të blihet me këtë kontratë korruptive.
Në dokumentet e tenderit çmimi i fiksuar i blerjes është 270 euro për megavat, ndërkohë që në bursë sot çmimi është 147 euro për megavat.
Diferencat janë kolosale. Qeveria ka deklaruar publikisht që deri në fund të marsit do jetë në operim bursa e energjisë. Përse nuk pritet funksionimi i bursës së energjisë që është mekanizëm rregullator për blerjen e energjisë, por është e qartë se babëzia e Rilindjes për të mbyllur tenderin korruptiv të radhës nuk pret.
Ndaj deklaratat për të fillimin e bursës shqiptare të energjisë është thjesht një mashtrim i përsëritur”, u shpreh ai
Discussion about this post