Kryetari i Partisë së Lirisë, Ilir Meta ka denoncuar në konferencën e parë për mediat për këtë vit, ndihmën që qeveria po shpërndan të quajtur ‘pakoja e madhe’, duke e cilësuar si “pilula mashtruese elektorale”.
Meta kujtoi se qeveria ka arkëtuar nga inflacioni i lartë mbi 520 milionë dollarë, por shpërndau për qytetarët vetëm 80 milionë euro.
“Duke pasur në konsideratë zhvillimet e ditëve të fundit do ndaloja në disa çështje. Vitin e vështirë që lamë pas, që mund të konsiderohet si viti i rritjes së varfërisë dhe vazhdimit të shpopullimit të vendit për shkak të rritjes së korrupsionit, denoncoj pilulën mashtruese elektorale me zero impakt real në zbutjen ne krizës së çmimeve dhe kostove të jetesës.
Qeveria e Rilindjes ndau 8 miliardë lekë për pensionistët e familjet në nevoje dhe pse si pasoje e inflacionit te larte arkëroi mbi 520 milionë dollarë.
Ndërkohë që kryeministri trumbeton me të madhe pakon e madhe 80 milionë euro, sipas KLSH, shpërdorimi i grabitja e taksave kalon mbi 1 miliard euro për janar-nëntor 2022. Shitjet, qiratë e koncensionet të parat për dëmin më të madh që i kanë shkaktuar shtetit, pa u ndalur te vjedhjet e përbindshme dhe Porti i Durrësit.
Stabiliteti financiar më i tronditur se kurrë. Shqiptarët hyjnë në borxh vetëm që të vjedhë Rama dhe Rilindja se borxhi që merret nuk mjafton as për të larë borxhet që kemi marrë”, tha Meta.
Discussion about this post