Presidenti i vendit, ilir Meta, ka zhvilluar ditën e sotme një takim me komunitetin Arbëresh në Itali. Përmes një postimi në Facebook ai shkruan se, takoi fillimisht kryetarin e komuniteti Giorgio Manes, me të cilin diskutuan rolin e shtetit shqiptar për t’i dhënë më shumë mbështetje Arbëresheve.
Meta tha se mbështetja e tyre është shumë e rëndësishme sepse ky komintet po mban gjallë historinë dhe gjuhën shqiptare, edhe jashtë trojeve tona. “Përherë i lumtur të mirëpres përfaqësues të komunitetit shumë të dashur Arbëresh, urë e fortë dhe shekullore lidhëse e marrëdhënieve tradicionalisht të shkëlqyera me popullin dhe Italinë mike. Vëllazëror ishte edhe takimi me Kryetarin e Komunës Arbëreshe të Montecilfone, Rajoni i Molises, z. Giorgio Manes dhe delegacionin, që e shoqëronte, me të cilët zhvilluam një bisedë shumë të ngrohtë.
I lumtur të njihesha me përpjekjet e tij për mbrojtjen e gjuhës, kulturës dhe traditave arbëreshe, që meritojnë të promovohen dhe trashëgohen brez pas brezi. I shpreha të gjithë mbështetjen time për vizionin e tij për binjakëzimin e komunave arbëreshe me bashkitë tona, në realizimin e projekteve të përbashkëta ekonomike, sociale, kulturore dhe artistike’, shkruan ai.
Komuniteti Arbëresh në Itali vazhdon të ruaj gjuhën dhe traditën shqiptare, madje i përcjellin këto tradita brez mbas brezi pa humbur kulturën tonë.
