Në kuadër të vizitës zyrtare në Kosovë, presidenti ilir Meta ka zhvilluar një takim me homologen e tij Vjosa Osmani.
Meta shkruan në Facebook se me Osmanin ndanë urimet për festën kombëtare të Flamurit, ndërsa vunë theksin te konsolidimi i bashkëpunimit mes të dy vendeve.
“Ndamë sot në Prishtinë urimet më të ngrohta për festën kombëtare të 28 Nëntorit, Ditën e Flamurit dhe zhvilluam një bisedë të hapur për mundësitë e thellimit të marrëdhënieve strategjike dhe vëllazërore mes Shqipërisë dhe Kosovës, në të gjitha fushat. Me shumë rëndësi konsolidimi i bashkëpunimit ndërmjet të gjitha vendeve tona, në kuadër edhe të nismave rajonale gjithëpërfshirëse, në mënyrë të veçantë të Procesit të Berlinit”, shkruan Meta.
Ndër të tjera, Meta shprehet se marrëveshjet ndërqeveritare që do të nënshkruhen, duhet të konkretizohen në praktikë, për t’i shërbyer forcimit të bashkëpunimit mes dy vendeve.
Discussion about this post