Gjatë vizitës në Kosovë, Presidenti Ilir Meta, ka zhvilluar një takim me kryetarin e Aleancës për Ardhmërinë e Kosvës, Ramush Haradinajn. Lajmin e ka bërë të ditur vetë presidenti Meta, i cili përmes një postimi në Facebook shkruan bisedës me Haradinajn u fokusuan te çështja e integrimit. Ai thotë se të dy ata ndajnë mendimin se Shqipëria dhe Kosova e meritojnë integrimin në familjen e madhe Erupiane.
“Me Kryetarin e Aleancës për Ardhmërinë e Kosovës, ish-Kryeministrin, Ramush Haradinaj takimet janë përherë vëllazërore. Zhvilluam një bisedë të hapur në Prishtinë për rëndësinë e forcimit të mëtejshëm të marrëdhënieve strategjike mes dy vendeve tona, në dobi të qytetarëve tanë. Ndamë të njëjtin vlerësim se Shqipëria dhe Kosova meritojnë të kenë vendin e tyre në familjen e kombeve europiane dhe se përparimi ynë drejt BE duhet të jetë një mision parësor dhe i palëkundur”, shkruan ai.
Kujtojmë se pak ditë më parë Meta zhvilloi vizitën e fundit zyrtare në KosovëN, nga ku foli për mbështetjen që Shqipëria do t’i japë Prishtinës për të arritur në BE.
Discussion about this post